Yuklenilir...
Yuklenilir...
ABŞ və İsrailin İrana qarşı hərbi əməliyyatı 12-ci günə daxil olub. Tehran 10.000-ə yaxın mülki obyektin bombardman edildiyini və 1.300-dən çox mülki şəxsin həlak olduğunu açıqlayıb. Münaqişə dünya enerji bazarlarını silkələyir, qlobal neft qiymətləri kəskin şəkildə yüksəlib.
ABŞ müdafiə naziri Pit Heqset çərşənbə axşamı günün "ən intensiv zərbə günü" olacağını elan etdi. Tehranın ən azı 8 rayonu hücuma məruz qalıb. İran Həmin gün "Xürrəmşəhr" tipli ağır ballistik raketlərlə 37-ci dalğa əks-zərbə endirdi. Hücumlar 3 saat davam edib və İsraildəki Tel-Əviv, Hayfa, Qüds, eləcə də İraqdakı Ərbil və Bəhreyndəki ABŞ hərbi bazaları hədəf alınıb.
İranın neft obyektlərinin bombardmanı qlobal neft qiymətlərini kəskin artırıb. G7 maliyyə nazirləri bazarı sabitləşdirmək üçün strateji enerji ehtiyatlarını bazara çıxarmağa hazır olduqlarını elan edib. Körfəz ölkələri müvəqqəti olaraq neft və qaz istehsalını dayandırıb ki, bu da yanacaq qiymətlərinin daha da artmasına səbəb olub.
Azərbaycanın Azəri Light neftinin qiyməti 90,34 dollara düşüb ki, bu da bir gün əvvəlkindən 12,69 dollar (12,3%) azdır. Buna baxmayaraq, qlobal qeyri-müəyyənlik fonunda neft qiymətlərinin yüksək qalması gözlənilir.
Vaşinqtonda konqres üzvləri müharibənin məqsədləri barədə açıq dinləmələr tələb edir. Mülki hədəflərə zərbələr və artan ABŞ itkiləri administrasiyanın strategiyası barədə suallar yaradır. Tramp İranın gələcək liderinin seçilməsində rol oynamaq istədiyini bildirib.
Münaqişə Azərbaycana da birbaşa təsir göstərir. İranın Azərbaycana yönəlmiş dron və raket zərbələri qeydə alınıb. Ölkənin hava müdafiə sistemləri yüksək hazırlıq vəziyyətindədir. Cənub sərhədlərində təhlükəsizlik tədbirləri gücləndirilb.
BMT Baş Katibi dərhal atəşkəs çağırışı edib. Avropa İttifaqı diplomatik həll yolu üçün vasitəçilik təklif edib. Çin və Rusiya münaqişənin genişlənməsinə qarşı ciddi xəbərdarlıq verib.
En onemli haberlerin haftalik ozetini e-postaniza alin.